2018 жылдың 20 желтоқсан күні генерал С.Қ. Нұрмағамбетов атындағы «Жас ұлан» республикалық мектебінде мектептің әскериқызметшілері және қызметкерлерінің балаларына арналған жаңа жылдық кеш өткізілді. Кеш жаңа 2019 жылға сай безендірілген, түрлі –түсті жарқыраған ойыншықтары көз тартар жасыл шырша орнатылған залда өтті.
Жасыл шырша қасында Аяз ата, Акшакар, ертегі және балалар мультфильмінің кейіпкерлері көрініс қойды. Кеште балалар тақпақ айтып, би билеп, Аяз атамен қосыла ән шырқап, Лол қуыршағының қойған жұмбақтарын шешіп, көңілді ойындар ойнады. Шаттыққа толы шара балаларға ерекше көңіл-күй сыйлады. Аяз ата балаларды Жаңа жылмен құттықтап әр бала сый-сияпаттан құр қалмады. Ертегі кейіпкерлері балаларға тәттілер таратты. Шара соңы мерекелік би кешімен аяқталды.
