Генерал С.Қ. Нұрмағамбетов атындағы «Жас ұлан» Республикалық мектебінде Қазақстан Республикасы Қорғаныс министрлігі «Әскери техникалық мектебі» мекемесінің бас директорының орынбасары, генерал С.Қ. Нұрмағамбетов атындағы «Жас ұлан» Республикалық мектебінің алғашқы мектеп бастығы, Қазақстан Республикасы Қарулы Күштерінің ардагері полковник Мендыгалиев Асылбек Аманшаұлымен мектептің 20 жылдық мерейтойы қарсаңына «Мықты білім мен табысты өмірдің жолы» тақырыбында кездесу өткізілді.
Кездесу барысында Асылбек Аманшаұлы «Жас ұлан» мектебінің ашылу тарихын, өзінің өмір жолын әңгімелеп, адамның жаңа қырларын білу, ұландарға үлкенді сыйлауға, басқалардың балалық шағымен өз өмірін салыстырып, өмірге, адамдар арасында болатын түрлі жағдайларға баса назар аударып, өз бетінше ой қалыптастырып, жаңа өмірге, әскери мамандыққа бейімделуге үйрену керектігін айтып өтті.
Кездесу соңында Асылбек Аманшаұлы тәрбиеленушілерді әскери- патриоттық тәрбиелеу барысында таптырмас құрал, әскери тақырыптағы көркем және деректі бейне материалдар жинағын мектеп басшылығына табыс етіп, естелікке суретке түсіп тарқасты.
