- Толығырақ
Астана қаласында жасөспірімдер арасында ұйымдастырылған қоян-қолтық ұрыс спорттық жарысында 2 оқу ротасы 5 оқу взводының ұланы Бақаев Алдияр ептілігі мен күштілігінің және салауатты өмір салтын ұстануының арқасында 1-ші және 2-ші орын жеңіп алды
Біз әскери колледж ұландарының жетістіктерін мақтан етеміз!
Жеңістерімен шын жүректен құттықтаймыз!
- Толығырақ
Генерал Сағадат Нұрмағамбетов атындағы әскери колледжі әскери қызметшілерінің балалары арасында әскери қызметшілердің отбасы мүшелерімен жұмыс жөніндегі қызметінің ұйымдастыруымен күзгі қолдан жасалған бұйымдар конкурсы өтті. Әскери қызметшілердің балалары шығармашылық шабытпен түрлі қолөнер бұйымдарын жасады, әрине, бұған ата-аналары да көмектесті.
Әр жұмыс ерекше және қиял мен ізденсіке толы болды, сондықтан конкурсқа қатысушылардың әрқайсысына әскери колледж басшылығы белсенді қатысқаны үшін естелік сыйлықтар, грамоталар табыс етті.
- Толығырақ
Бүгін Астана қаласындағы әскери колледждің жеке құрамы Кеңес Одағының батыры, Халық Қаһарманы, Қазақстан Республикасының тұңғыш Қорғаныс министрі, армия генералы Сағадат Қожахметұлы Нұрмағамбетовті еске алу іс-шарасын өткізді.
Осыдан 9 жыл бұрын – 2013 жылдың 24 қыркүйегінде өмірден озған болатын.
Колледж алдындағы батырдың мүсініне гүл шоқтары қойылып, әскери оқу орынының жеке құрамы мен тәрбиеленушілері салтанатты саппен жүріп өтті.
Халық Қаһарманы Сағадат Қожахметұлы ел есінде мәңгі сақталып, тарихта аты алтын әріппен жазылып қала бермек.
- Толығырақ
2022 жылдың 6 қыркүйегінде Нұр-Сұлтан қаласында белтемірге тартылу бойынша «Tartyl Fest» спорттық фестивалі өтті. Генерал Сағадат Нұрмағамбетов атындағы әскери колледжінің ұландары жарысқа қатысуға ерікті түрде ниет білдіріп, 18 жасқа дейінгі жастар санатында жақсы нәтижелер көрсетті.
Турнирдің ашылу салтанатына ҚР Мәдениет және спорт министрі Дәурен Абаев, Нұр-Сұлтан қаласы әкімінің орынбасары Ерлан Бекмурзаев, «Дара» қолдау қорының басшысы Нұрлан Қоянбаев, белгілі спортшы Дамир Муминов, жоба амбассадоры, қоғам қайраткері Айтым Жақыпов қатысты. Олардың барлығы қатысушыларға сәттілік пен жеңіс тіледі.
Тартылу бойынша жарысқа 650-ден астам адам қатысты. Әскери колледждің ұландары осындай іс-шараға алғаш рет қатысып, өздеріне көптеген жағымды эмоциялар алды.
- Толығырақ
Армия генералы Сағадат Нұрмағамбетов атындағы әскери колледжінде тамыз айында «Мас жүргізуші – қылмыскер» айлығы өткізілді.
Әкімшілік құқық бұзушылықтардың және әскери қызметшілермен жол-көлік оқиғаларының алдын алу мақсатында тәрбиелік әңгімелер жүргізілді, сондай-ақ барлық жеке құрамға өткен кезеңнің әкімшілік құқық бұзушылықтардың статистикасы жеткізілді.
Әскери колледжде осындай іс-шаралар тұрақты түрде өткізіліп тұрады. Сондай-ақ, әскери қызметшілерге әскери полиция дайындаған Қазақстан Республикасы Қарулы Күштері әскери қызметшілерінің қатысуымен болған жол-көлік оқиғаларының бейнероликтері мен альбомдары көрсетілді. Жол-көлік оқиғаларының санын азайтуға бағытталған профилактикалық іс-шаралар жоспарына сәйкес ай сайын «Мас жүргізуші – қылмыскер», «Қауіпсіз жол», «Жылдамдықты естен шығарма», «Назар аударыңыз - жаяу жүргінші» және т. б. түрлі іс-шаралар өткізіліп тұрады.
БҰҰ-ның мәлімет бойынша, жыл сайын жол апатынан 1,25 миллион адам қайтыс болады. Жол апатынан 20-50 миллион адам түрлі жарақаттармен ауруханаға түседі. Әкімшілік полиция комитетінің мәліметтері бойынша жыл сайын еліміздің жолдарында орта есеппен 18000 жол-көлік оқиғалары орын алады, онда орта есеппен 2500 адам қаза табады және 23000 – ға дейін түрлі дәрежедегі дене жарақатын алады.
Жол-көлік оқиғалары кездейсоқтық емес - ол жол ережелерін сақтамау және негізсіз өзіне деген сенімділіктің салдары. Сақ болыңыз, жол ережесін бұзбаңыз!
- Толығырақ
Бүгін, 2022 жылдың 1 қыркүйегінде армия генералы Сағадат Нұрмағамбетов атындағы әскери колледжінде Білім күні мен жаңа оқу жылының басталуына арналған салтанатты іс-шара өтті.
Әскери колледж бастығы әділет полковнигі Т.Басхожаев өз құттықтау сөзінде жеке құрамға жаңа жетістіктер, ал ұландарға олардың болашағымен байланысты білімді бойларына тереңсіңіруге, оның қыр-сырын ашуға қызығушылықтаны туға тілек білдірді, өйткені әскери колледжде оқу барлық жасөспірімдер үшін болашақ әскери мамандықты құрудың алғашқы іргетасы.
Салтанатты жиынға Әскери колледждің жеке құрамы, 1 және 2 оқу роталары мен олардың ата-аналары қатысты. Қазақстан Республикасы Қорғаныс министрлігінің Әскери білім және ғылым департаменті бастығының орынбасары полковник Т.Қалышев ұландарды құттықтап, барлық тәрбиеленушілерге оқуда табыс тіледі.
Концерттік бағдарламамен ҚР ҚК Ұлттық әскери-патриоттық орталығының Орталық ансамблінің әншілері ән салып, Құрмет қарауыл ротасы қару-жарақпен дефиле көрсетті.
Әскери колледждің аллеясына 1 және 2 оқу ротасының ұландары жаңа оқу жылының басталуының белгісі ретіне ағаштар отырғызды, бұл әр ұлан үшін жауапты, ал жаңа данкелген жасөспірімдер үшін әскери өмірмен танысудың бастауы болып табылады.
Армия генералы Сағадат Нұрмағамбетов атындағы әскери колледжінің басшылығы барлық тәрбиеленушілерге сәттілік пен табыс тілейді!
- Толығырақ
«Балалар жылын» қолдау мақсатында және «Білім күніне» орай әскери қызметшілердің отбасымен жұмыс жөніндегі әйелдер кеңесі мүшелері әскери қызметшілердің балаларына арнап іс-шара ұйымдастырды.
Іс-шара барысында әскери қызметшілердің отбасымен жұмыс жөніндегі әйелдер кеңесінің төрайымы Абдуаитова А.А, отбасымен жұмыс жөніндегі әйелдер кеңесінің мүшелері балаларды жаңа оқу жылының басталуымен құттықтап: «Әскери колледждің басшылығы, әскери колледждің әскери қызметшілердің отбасымен жұмыс жөніндегі әйелдер кеңесі әр әскери қызметшінің отбасын назарда ұстап, әр отбасының мүшесіне көңіл бөлудеміз. Жылсайын жаңа оқу жылының басында мектеп табалдырығын алғаш аттап, 1-сыныпқа барып жатқан бүлдіршіндерімізді қуанту үшін, сонымен қатар көп балалы отбасыларымызға қолдау білдіру мақсатында осындай іс-шараларды тұрақты түрде өткізіп тұрамыз. Кішкентай бүлдіршіндеріміздің талабы - оң, қадамдары құтты болсын! Еліміздің ертеңгі болашағы өздеріңсіңдер, қиялдарың ұшқыр, қанаттарың талмасын! Жаңа оқу жылы толағай табыстарға, жағымды жаңалықтарға толы болсын!» деп өздерінің жылы лебіздерін білдірді.
- Толығырақ
Қазақстан Республикасы Президентінің «Жаңа Қазақстан: жаңару мен жаңғыру жолы» атты жолдауын және 2022 жыл «Балалар жылын» қолдау мақсатында генерал Сағадат Нұрмағамбетов атындағы әскери колледжінде үстел теннисінен, волейбол, шағын-футболдан Қазақстан Республикасы Қорғаныс министрілігінің Тәрбие және идеологиялық жұмыстар департаменті мен әскери колледж басшылығы спорттық іс-шара ұйымдастырып өткізді.
Аталған спорттық іс-шараға Қазақстан Республикасы Қарулы Күштерінің ардагерлер кеңесінің мүшелері, 68665 әскери бөлімінің мерзімді қызметтегі сарбаздары мен «Жас сарбаз» әскери патриоттық клубтарының тәрбиеленушілері қатысты.
Іс-шараны өткізудегі басты мақсат ардагерлер мен жастар арасындағы ұрпақтар сабақтастығын көрсету, жастарды патриоттық сезімге тәрбиелеу .
Іс-шараның соңында жарыс жеңімпаздары бағалы сыйлықтармен марапатталып, ардагерлер жастарға ақ тілектерін айтты.
- Толығырақ
1-20 тамыз аралығында қабылдау комиссиясы 400-ден астам құжат қабылдады. Әскери колледжге құжаттар тапсыру үшін талапкерлер және олардың ата-аналары Қазақстанның түкпір-түкпірінен келді.
Әскери колледжге түсу үшін талапкерлер қажетті құжаттарды бекітілген тізімі бойынша тапсырды, содан кейін кәсіби-психологиялық іріктеуден, дене даярлығын тексеруден және медициналық куәландырудан өтті.
Генерал Сағадат Нұрмағамбетов атындағы әскери колледжінің бастығы әділет полковнигі Тлеухан Басхожаев өз сөзінде ағымдағы жылы оқуға түсуге ниет білдірген 400-ден астам жасөспірім болғанын атап өтті. Барлық үміткерлер бір-бірінен өткен мықты, әрі оқуға түсуге үлкен құлшыныс білдірді. Өз кезегінде әскери колледж басшылығы тарапынан конкурстық кезеңдердің толық ашықтығы қамтамасыз етілді. Бұл қабылдау комиссиясының жұмысына қойылатын талаптарға қатаң сәйкестікте ұйымдастыруға және сыбайлас жемқорлық тәуекелдерін нөлге дейін азайтуға мүмкіндік берді.
Қабылдау комиссиясының ашықтығын көрсету мақсатында жиынның барлық кезеңдерінде сыбайлас жемқорлыққа қарсы іс-қимыл бөлімінің әскери полиция басқармасының қызметкерлері, сондай-ақ байқаушы ретінде талапкерлердің ата-аналары қатысты. Бақылау-өткізу пунктінен өту, жеке істі қабылдау және қалыптастыру, психологиялық тестілеу мен дене шынықтыру дайындығы бойынша нормативтерді тапсыру кезеңдері аудио және бейнежазбаға үздіксіз жазылды.
Әскери колледжге түсу нәтижелері жарияланғаннан кейін талапкерлер мен олардың ата-аналары біз суретке түсірген ең шынайы эмоцияларды сезінді. Оқуға қабылданған жас патриоттар оқуға дайын, шын мәнінде қызықты әрі бір мезгілде күрделі болып табылатын әскери мансап жолын бастауға ниетті.
