2023 жылғы 26 сәуірде Кеңес Одағының Батыры, Халық Қаһарманы, армия генералы Сағадат Нұрмағамбетов атындағы Әскери колледжде Чернобыль атом электр станциясындағы апаттың 37 жылдығына арналған «Жер - біздің ортақ үйіміз» атты іс-шара өткізілді. Мұндай іс-шаралардың мақсаты өскелең ұрпақты әскери-патриоттық, рухани-адамгершілік, жанашырлық сезімдерге тәрбиелеу болып табылады.

Аталған іс-шараға Қазақстан Республикасы бойынша «Чернобыль Одағы» ардагерлер мен мүгедектер қоғамдық бірлестігінің төрағасы Мұстафа Хұсайын Дәуітұлы, Астана қаласы «Чернобыль Одағы» ардагерлер мен мүгедектер қоғамдық бірлестігінің басшысы Ахметов Әдепхан Шахаманұлы, «Чернобыль Одағы» ардагерлер мен мүгедектер қоғамдық бірлестігінің республикалық үйлестіру кеңесінің төрағасы Әшірбаев Бақытжан Шәкірұлы шақырылды.

Іс-шара қонақтары ұландарға Чернобыль апаты туралы, ЧАЭС зардаптарын жоюда жүргізген жұмыстары, ерлік пен қайсарлық, жауапкершілік туралы әңгімелеп берді.

Кездесу соңында «Чернобыль атом электр станциясындағы апат» деректі фильмінің бейнебаяны ұсынылды, онда сәуірдің түнінде атом электр станциясында болған қайғылы оқиғалар, электр станциясының төртінші блогындағы өртпен күреске кіріскен батырлар туралы баяндалады.

Батылдықтың, азаматтық борышқа адалдықтың шынайы үлгісі болған Чернобыль атом электр станциясында болған алапат  апаттың салдарын жоюға қатысушыларды біз ұрпақтан-ұрпаққа жеткізе отырып, еске аламыз.

image-27-04-23-11-07.jpgimage-27-04-23-11-07 (3).jpgimage-27-04-23-11-07 (2).jpgimage-27-04-23-11-07 (1).jpg

3-12 сәуір аралығында Әскери колледждің жеке құрамымен жарғылық емес қарым-қатынастардың, қол жұмсау арқылы билікті асыра пайдаланудың алдыналу, сондай-ақ достық пен серіктестікті нығайтуға байланысты түрлі іс-шаралар өткізілді.

Сондай-ақ, онкүндік аясында Ақмола өңірлік гарнизоны әскери полиция басқармасының тергеу және іздестіру бөлімінің аға офицері (тергеушісі) әділет капитаны А.Ажибеков әскери колледждің әскери қызметшілерімен жарғылық емес қатынастар тақырыбы бойынша түсіндіру жұмысын жүргізді.

Жарғыны сақтау, достықты бағалау және жақыныңды құрметтеу әрбір әскери қызметшінің міндеті болып табылады, өйткені әскери қызметтің ажырамас бөлігі мықты әскери серіктестік пен әскери қызметшілердің салауатты тұлғааралық қатынастарының кепілі болып табылатын қатаң тәртіп. Өткізілген іс-шаралардың басты мақсаты – жарғылық емес қарым-қатынастардың, қолжұмсау арқылы билікті асыра пайдаланудың алдыналу, сондай-ақ достық пен серіктестікті нығайту.

1 (37).jpeg1 (36).jpeg

Генерал Сағадат Нұрмағамбетов атындағы әскери колледжінің ұландары Еркеғали Рахмадиев атындағы елордалық Мемлекеттік академиялық филармониясында өткен «Ел қорғау – нағыз ерлер ісі» атты іс-шарасына қатысты.

WhatsApp Image 2023-04-08 at 11.11.51.jpegWhatsApp Image 2023-04-08 at 11.11.31.jpegWhatsApp Image 2023-04-08 at 11.11.30.jpeg

2023 жылғы 20-29 наурыз аралығында әскери колледжде «Ұлтаралық бірлік, бейбітшілік және теңдік негіздері» онкүндігі өтті.

Онкүндіктің басты мақсаты - діни экстремизм идеяларының армия ортасына таралуына жол бермеу.

Онкүндік аясында түрлі іс-шаралар, соның ішінде Астана қаласы әкімдігі жанындағы «Діндерді зерттеу орталығы» ақпараттық-түсіндіру тобының мүшелерін тарта отырып өткізілді. Теологтар Сейдолла Әли Бақтиярханұлы мен Қасымов Бердімұрат Сайынұлы әскери колледж ұландарымен қызықты және танымдық әңгіме өткізді.

Теологтар өз сөздерінде Қазақстандағы ұлтаралық бірлікке, бейбітшілік пен теңдікке байланысты мәселелерге ерекше назар аударды.

WhatsApp Image 2023-03-31 at 16.15.49.jpegWhatsApp Image 2023-03-31 at 16.15.48.jpegWhatsApp Image 2023-03-31 at 16.15.48 (1).jpeg

Ауған соғысының ардагерлері әскери колледждің ұландарымен танымдық әңгімелесу өткізді. Іс-шараға Астана қаласы бойынша «Тәжік-Ауған шекарасындағы жауынгерлік іс-қимылдарға және әскери қақтығыстарға қатысушылардың ардагерлер одағы» республикалық қоғамдық бірлестігінің төрағасы ардагер Рысбай Болат Сейлханұлы,

сондай-ақ ардагерлер Р.Әріпжан, М.Жарекеев, С.Гельманов, К.Оспанов, Е.Умирзаков, М.Беркимбеков, Р.Байбусин, Е.Жапаров, Ы.Ермек, К.Алдангоров, С.Шоткалинов қатысты.

Кездесу барысында оқушылар өздерін қызықтырған сұрақтарын қойды, ал ардагерлер өз естеліктерімен бөлісті.

Іс-шара қонақтары жас ұрпақты ата-бабаларын құрметтеуге, әрқашан кәсібилігін жетілдіруге және өткен соғыстардың тарихын зерттеуге қызығушылық танытуға шақырды.

Мұндай кездесулер өткен заманның тарихына енуге мүмкіндік береді, бұл әңгімелер таңғажайып пен қаһармандыққа толы, олар сізге соғыстың шын мәнінде қандай болғанын сезінуге және түсінуге мүмкіндік береді.

 

 fgdfhsdhsd.jpeg 1 (7).jpeg 1 (6).jpeg 1 (5).jpeg 1 (4).jpeg 1 (3).jpeg 1 (2).jpeg

Әскери колледжде әскери қызметшілердің отбасыларына арналған қызықты құттықтау бағдарламасы өтті. Әскери колледж қызметкерлері концерттік бағдарлама ұйымдастырып, іс-шараның кішкентай қонақтарына тәтті сыйлықтар табыстады, ал көңілді аниматорлар әр қонаққа көңіл бөлді.
Сондай-ақ, әскери колледж әскери қызметшілерінің балалары Қазақстан Республикасы Қарулы Күштерінің Ұлттық әскери-патриоттық орталығында өткен мерекелік іс-шараға қатысты.
Қызықты шоу-бағдарлама көрсетіліп, балалар Аяз ата және Ақшақармен дөңгелене биледі, ал іс-шараның кішкентай қонақтарына арналған шағын ойындар мен сыйлықтарды ҰӘПО-ның қызметкерлері дайындады.
Балалар өздеріне көптеген жағымды эмоциялар алды. Олар Аяз Атаға өлең айтып, өз таланттарын көрсетті, сонымен қатар жұмбақтар шешті.

   

   

   

   

Генерал Сағадат Нұрмағамбетов атындағы әскери колледжіне Әлихан Бөкейхан атындағы № 76 мектеп-лицейінің оқушылары келді.
Әскери колледж басшылығымен ауқымды экскурсия ұйымдастырылды. Онда колледж ұландары оқушыларға әскери оқу орнының құрылу тарихы туралы баяндап, колледждің материалдық-техникалық базасын, оқу сыныптарын, сондай-ақ өздері тұратын жатақхананы таныстырды.
Ұландар оқу қаруы АК- 74 ті бөлшектеу және жинақтаудан өз тәжірибелерін көрсетті. Оқушылар бұған үлкен қызығушылық танытты.
Оқушылар әскери қызметшілер мен ұландарға осы іс-шараға шақырғаны үшін, сондай-ақ қызықты және танымдық экскурсия өткізгені үшін үлкен алғыстарын білдірді.
«Ашық есік күні» жас ұрпақты әскери-патриоттық тәрбиелеу мақсатында өткізілетін маңызды іс-шара болып табылады.

  

  

  

  

  

  

26 қарашада Астана қаласында Президент Қасым-Жомарт Кемелұлы Тоқаевтың ұлықтау рәсімі өтті, ол республикалық телеарналардың эфирінде көрсетілді. Армия генералы Сағадат Нұрмағамбетов атындағы әскери колледждің әскери қызметшілері мен ұландары инаугурацияның салтанатты рәсімін тікелей эфирде тамашалады.

26 11 2022 1  26 11 2022 2

26 11 2022 1  26 11 2022 2

Генерал Сағадат Нұрмағамбетов атындағы әскери колледжінің ұландарымен кәмелетке толмағандар жөніндегі инспекторлар кездесу өткізді. Жеке құрам арасында құқық бұзушылықтың алдын алу тақырыбында әңгіме қозғалды.
Есіл ауданының ПБ ювеналды полициясының аға инспекторы полиция майоры Ұлбосын Жаныбекқызы ұландарға кәмелетке толмағандар арасындағы қылмыс статистикасы, сондай-ақ әкімшілік және қылмыстық құқық бұзушылық жасағаны үшін жауапкершілік туралы айтып берді.
Құқық бұзушылықтарды алдын алу Қазақстан Республикасының Қарулы Күштеріндегі жұмыстың негізгі бағыты, сондықтан да Әскери колледжде ұландарды жауапкершілік пен жоғары тәртіпке тәрбиелеуге ерекше назар аударылады.

24 11 2022 1    24 11 2022 3

Астана қаласында жасөспірімдер арасында ұйымдастырылған қоян-қолтық ұрыс спорттық жарысында 2 оқу ротасы 5 оқу взводының ұланы Бақаев Алдияр ептілігі мен күштілігінің және салауатты өмір салтын ұстануының арқасында 1-ші және 2-ші орын жеңіп алды

Біз әскери колледж ұландарының жетістіктерін мақтан етеміз!
Жеңістерімен шын жүректен құттықтаймыз!

24 11 2022 4  24 11 2022 5  

Мекенжай: 010000, Астана қ. сол жағалау, Қорғалжын тас жолы, 16/1 үй

Кезекшілік бөлімі: +7 (7172) 27-38-53
+7 708 970-38-53
+7 701 674-09-96

e-mail: zhasulan@mod.gov.kz

Инстаграм: militarycollege