- Толығырақ
Ағымдағы жылы Қазақстан Республикасы Қорғаныс министрлігі Қазақстан Республикасы Қарулы Күштерінің 30 жылдығын мерекелеу бойынша бірқатар іс-шаралар жоспарланған, өткізеді, олардың бірі С. Нұрмағамбетов әскери колледж тәрбиеленушілері арасында спорттық ойындар өткізу болып табылады.
2022 жылғы 11-20 сәуір аралығында әскери колледж ұландары арасында ҚР ҚМ әскери білім және ғылым департаменті бастығының жүлдесі үшін шағын футболдан турнир өтті.
Жарыс қорытындысы бойынша 1 оқу ротасының 3 взводының командасы жеңімпаз атанды. Екінші орынды 1 оқу взводының командасы алды, үшінші орынды 2 оқу взводына берілді.
Сондай - ақ турнир қорытындысы бойынша келесі номинациялар бойынша үздік ұландар анықталды: Үздік шабуылшы - ұлан Н.Б. Серіков; Үздік қақпашы - ұлан Е.К. Жүсіпбаев; Үздік қорғаушы - ұлан О.Н. Сауран.
Ұландарымызға спортта табыс тілейміз!
- Толығырақ
Қазақстан Республикасы Қарулы Күштерінің 30 жылдығын мерекелеу аясында С.Нұрмағамбетов атындағы әскери колледжінің ұландары Қазақстан Республикасының бірінші Қорғаныс министрі, армия генералы Сағадат Қожахметұлы Нұрмағамбетовты еске алуға арналған сынып сағатын өткізді.
Өз сөздерінде генерал Нұрмағамбетов өз өмірін Отан қорғауға арнаған адам екенін атап өтті. Ол берік іргетас қалаған және Қазақстан Республикасы Қарулы Күштерінің қалыптасуына баға жетпес үлес қосқан алғашқы Қорғаныс министрі болды.
Бүгінде офицерлер мен сержанттардың барлық буыны, жоғары әскери оқу орындарының курсанттары мен әскери мектептердің тәрбиеленушілері үшін Сағадат Нұрмағамбетов өз Отанының ерлігі мен шынайы патриотизмінің үлгісі бола алды.
Қарулы Күштері бір күнде құрылмады, бұл қазіргі армияны құруда маңызды роль атқарған көрнекті тұлғалардың қажырлы және үйлесімді жұмысы. Ата-бабаларымыздың жауынгерлік ерліктерінің негізінде, бүгін біз жас ұрпақты қазақстандық патриотизм рухында абыроймен тәрбиелейміз.
- Толығырақ
Қазақстан Республикасының жалпы білім беретін мектептерінің оқушылары арасында 2022 жылға арналған кәсіптік бағдарлау жұмысын жүргізу жоспары шеңберінде Нұр-Сұлтан қаласының Әскери колледжі астаналық Binom-School Tanym мектебінің 9-сынып оқушыларына кәсіби бағдар беру жұмысын жүргізді.
Колледждің әскери қызметшілері оқушыларды әскери-оқу орнындағы оқу үдерісімен, әскери мамандықтармен және әскери колледжді бітіргеннен кейін Қарулы Күштерде табысты қызмет атқарудың жетістіктерімен егжей-тегжейлі таныстырды.
Оқушылар оқуға түсу тәртібі мен үміткерлерге қойылатын талаптарға қатысты өздерін қызықтырған сұрақтарын қойды.
Әскери колледжге түсу туралы толық ақпаратты ресми сайттың «қабылдау ережелері» бөлімінен немесе +7(701)701-30-01 нөміріне қоңырау шалу арқылы алуға болады.
- Толығырақ
Онкүндік Қазақстан Республикасының Қарулы Күштерінде құқық бұзушылықтың алдын алудың 2022 жылға арналған бағдарламасын іске асыру жөніндегі бірыңғай іс-шаралар жоспары шеңберінде өткізілді. Аталған онкүндікті өткізудің мақсаты - әскери қызметшілер мен олардың отбасы мүшелерін Діни экстремизмнің деструктивті идеологиясының теріс әсерінен қорғау.
Онкүндік бойы әскери колледжінде профилактикалық іс-шаралар ұйымдастырылып өткізілді. Әскери қызметшілермен деструктивті идеологияның ықпалының алдын алу бойынша сабақтар өткізілді. Қазақстан халқының ұлтаралық және конфессияаралық бірлігі тақырыбына ерекше назар аударылды, акт залында «Жұмақ» қысқаметражды фильмінің көрсетілімі ұйымдастырылды. Сондай-ақ, әскери қызметшілердің жұбайларына өскелең ұрпақты қазақстандық патриотизм рухында тәрбиелеу, сондай-ақ балаларды деструктивті идеялардың әсерінен қорғау және алдын алу бойынша кеңестер берілді.
Тәрбие және идеологиялық жұмыстар бөлімімен әскери ұжымның діни жағдайының жалпы портретін анықтау және жеке ерекшеліктерін зерттеуге бағытталған тестілеу өткізілді.
Біздің еліміздің ең үлкен байлығы - бұл, ең алдымен, біздің бірлігіміз, бейбітшілік пен келісіміміз, біз оны бағалай және лайықты қорғауымыз керек.
- Толығырақ
Наурыз – рухани құндылықтарды нығайтатын қазақ халқының салт-дәстүрлерін жаңғыртатын, ынтымақтың, береке мен бірліктің мейрамы.
Бабалар мұрасын, салт-санасын, әдеби туындылары мен дәстүрлі өнерін білу, сақтау, ұрпақ бойына сіңіру аса маңызды ұстанымдардың бірі.
2022 жылғы 19-23 наурыз күндері Наурыз мейрамын атап өту мақсатында Әскери колледж ұландарымен бірқатар іс-шаралар ұйымдастырылды. Қазақстан Республикасының Ұлттық мұражайына ғасырдан аса ұлттық құндылықтарға ие тарихи жәдігерлерді тамашалауға барды. «Қазақ халқының салт-дәстүрлері» атты тәрбие сағаты, взводтар арасында Ұлттық ойын түрлерінен (қазақша күрес, қол күрес, тоғызқұмалақ) спорттық жарыс, «Наурыз мейрамы менің көзіммен» шығарма жазу, сурет салудан, ән мен күйден, биден, бата беруден сайыстар өткізілді. Мерекелік көңіл-күймен үздік шықан взводттар марапатталды.
- Толығырақ
Кеңес Одағының Батыры, Халық Қаһарманы, армия генералы Сағадат Нұрмағамбетов атындағы әскери колледжінің ұландары Алғыс айту күнін атап өту мақсатында сабақ арасындағы үзілістерде музыкалық құттықтау нөмірлерін ұйымдастырды.
Флешмоб билеп, өлеңдер айтып, әндер шырқап, әскери колледждің барлық қызметкерлеріне қуанышты көңіл-күй сыйлады.
Сондай-ақ ұландар арасында «Алғыс айту» акциясы өткізілді, оның мәні өзінің жеке алғысын жазып, ортақ қорапқа салу. Осылайша, ұлдар мұғалімдерге, әскери қызметшілерге, медицина қызметкерлеріне, асхана қызметкерлеріне және де бір-біріне ризашылықтарын білдірді. Конверттер өз адресаттарына таратылды, ұландардың шынайы алғыс сөздерін оқу кімге де болсын жағымды әсер берді.
- Толығырақ
Генерал С.Нұрмағамбетов атындағы Әскери колледжінің ұландарымен оқу аптасы бойы Кеңес Одағының Батыры, генерал Сабыр Омарұлы Рақымовтың туғанына 120 жыл толуына арналған сынып сағаттары өтті.
Сынып сағаттарында ұландар оның өмір жолымен және Ұлы Отан соғысында ерлікпен көрсеткен ерліктерімен толығырақ танысты. Ұландар іс-шараға белсенді қатысып, қызықты сұрақтар қойып, Сабыр Рақымов туралы презентация мен бейнероликті қарады.
2022 жылдың 22 және 23 ақпанда Қазақстан Республикасы Қарулы Күштерінің Ұлттық әскери-патриоттық орталығында, сондай-ақ Ұлттық академиялық кітапханада Сабыр Рақымовтың 120 жылдығына арналған тақырыптық кештер өтті. Іс-шараға Ұлы Отан соғысының ардагерлері, Қазақстан Республикасы Қарулы Күштерінің ардагерлері, интернационалист-соғыс ардагерлері, Қазақстан Республикасының қоғам қайраткерлері, Қазақстан Республикасы Қорғаныс министрлігі Ұлттық қорғаныс университетінің ғылыми қызметкерлері және де «Жас сарбаз» қозғалысының тәрбиеленушілері қатысты.
Әскери колледжінде экстремизм мен терроризмге қарсы іс-қимыл бойынша профилактикалық әңгімелесу өтті
- Толығырақ
Қазақстан Республикасы Қарулы Күштерінде құқық бұзушылықтардың алдын алу бағдарламасын іске асыру шеңберінде 2022 жылғы 21 ақпанда Дін мәселелерін зерттеу орталығымен бірлесіп, генерал Сағадат Нұрмағамбетов атындағы Әскери колледжінде экстремизм мен терроризмге қарсы іс-қимыл бойынша әңгімелесу өткізілді.
Дінтанушы саласындағы сарапшы Олег Синяков экстремизм мен терроризм тек адамға ғана емес, бүкіл қоғамға, сондай-ақ мемлекетке ең қатерлі қауіп болып табылатыны туралы толығырақ айтып берді. Мұндай әңгімелер ұландармен, әскери қызметкерлермен және азаматтық персоналмен тұрақты негізінде өткізіледі, өйткені діни сауаттылықты арттыра отырып, біз деструктивті идеологияның әскери ортаға енуіне жол бермейміз.
- Толығырақ
Іс-шара - Ауған соғысындағы тарихи оқиғаларды еске ала отырып, патриоттық рухты нығайту, сонымен қатар жауынгерлік іс-қимылдарға қатысқан ардагерлерге құрмет білдіру мақсатында ұйымдастырылды.
Әскери колледж ұландары өздерін қызықтырған сұрақтарын қойып, бірде-бір қатысушыны бейжай қалдырмаған қызықты әңгімелері үшін ардагерлерге алғыс білдірді.
Өмірдің қиын жолдарынан өтіп, Ауғанстанның ыстық нүктелеріндегі ұрыс қимылдарына қатысқан әрбір жауынгер-интернационалистің жадында бұл оқиғалар мәңгілікке қалған.
- Толығырақ
Армия генералы Сағадат Нұрмағамбетов атындағы әскери колледжінде жеке және отбасылық жанжалдардың алдын алу, сондай-ақ суицидтік оқиғаларға жол бермеу бойынша онкүндік өтті.
Онкүндік барысында әскери колледжінің әскери қызметшілерімен суицидтік оқиғалардың алдын алу бойынша сабақтар өткізілді. «Жауынгерлік дос» өзара бақылау жүйесі бойынша түсіндіруге ерекше назар аударылды, ол әрбір әскери қызметшінің жеке жай-күйін үздіксіз мониторингтеуге және олардың өзара бақылау жүргізуі арқылы қажетті көмек көрсетуге бағытталған.
Әлеуметтік-тұрмыстық жағдайлармен танысу және проблемалық мәселелерді анықтау мақсатында әскери колледж басшылығы әскери қызметшілердің отбасыларына барды.
Сондай-ақ, онкүндік аясында әскери қызметшілермен және колледж тәрбиеленушілерімен психоэмоционалдық шиеленісті жоюға бағытталған психологиялық тренингтер өткізілді.
