- Толығырақ
2022 жылдың 24 маусымында «Айбын-2022» жиынының жабылу салтанатында ақтық ойынның жеңімпаздарын марапаттау рәсімі өтті.
2022 жылғы 20-25 маусым аралығында «Спасск» оқу-жаттығу орталығының полигонында «Айбын-2022» VIII Республикалық әскери-патриоттық жастар жиыны өтіп, оның ашылуына Қазақстан Республикасының Қорғаныс министрі генерал-полковник Руслан Жақсылықов қатысты.
Бір апта ішінде әскери колледждің командасы әскери колледждің намысын қорғап, жиынның барлық кезеңдерінен абыроймен өтіп, жалпы командалық есепте 1 орынға ие болды. Естеріңізге сала кетейік, генерал Сағадат Нұрмағамбетов атындағы әскери колледжінің ұландары 3 жыл қатарынан “Айбын” әскери патриоттық жиынында 1-орын алып келеді.
Жиынға қатысушылар «Спасск» оқу-жаттығу орталығында болып, онда әрбір жасөспірім Қазақстанның қазіргі заманғы армиясының әскери техникасы мен қару-жарағының заманауи үлгілерімен танысты. Ұландар да өз күштері мен мүмкіндіктерін сынап, аталған жиында өздеріне жаңа достар тапты.
Жиын барысында түрлі сабақтар мен кештер өткізілді, Қазақстанның белгілі тұлғаларымен кездесулер, сондай-ақ мәдени-демалыс іс-шаралары өткізілді. Ұландар жиын туралы жақсы пікірлерін айтып, жастарды оған қатысуға, өз қабілеттерін толық ашуға және жаңа бір тың сезімдер алуға шақырды.
- Толығырақ
Әскери колледжде медицина қызметкерлері күн-түн демей өздерінің медициналық міндеттерін адал орындап келеді. Олардың жұмысы сырқаттарды емдеуге және әскери қызметшілер мен ұландардың денсаулығын сақтауға ғана емес, әртүрлі аурулардың алдын алуға бағытталған.
Колледждің медициналық пункті қажетті дәрі-дәрмектермен және препараттармен толық жабдықталған. Штатта түрлі бағыттағы мамандар қарастырылған, олар тұрақты негізде шұғыл көмек көрсетуге дайын.
Игілікті жолды таңдай отырып, дәрігерлер мен мейірбикелер барлық жеке құрамға өздерінің көңілдерімен бірге, әрқайсысына деген жылу көңіл күй сыйлайды. Барлық медицина қызметкерлерін кәсіби мерекелерімен құттықтаймыз. Сіздердің мамандықтарыңыз-бұл күнделікті жұмыс қана емес, ол адамдарға деген қамқорлық, мейрімділік сыйлай отырып қайтадан сауығуына мүмкіндік беру.
- Толығырақ
2022 жылдың 1 маусымында Қазақстан Республикасы Қорғаныс министрлігінің Кеңес Одағының Батыры, Халық Қаһарманы, армия генералы Сағадат Нұрмағамбетов атындағы әскери колледжінде ел Президенті Қасым-Жомарт Тоқаев жариялаған 2022 жыл Балалар жылына, сондай-ақ Халықаралық балаларды қорғау күнін мерекелеуге орай әскери қызметкерлердің отбасымен жұмыс бөлімімен мерекелік іс-шара ұйымдастырылды. Нұр-Сұлтан қаласындағы Орталық мәдениет және демалыс саябағының аумағында әскери колледждің әскери қызметшілерінің балалары үшін әскери қызметшілердің отбасы мүшелерімен бірге тегін балмұздақ, музыка және әйгілі мультфильм кейіпкерлері бар балалар ойын алаңы дайындалды. Мерекелік іс-шараның бағдарламасында балалардың музыкалық қойылымдары, сайыстық және ойын-сауық байқаулары ұйымдастырылып, балалар флешмобы ұйымдастырылды. Қазір далалық оқу-жаттығу жиынында жүрген әскери колледж ұландары ілтипат пен тәтті дәмнен құр қалмады. Осы ретте қалалық Амфитеатр сахнасында «БАЛАПАН ӘЛЕМІ» концерттік бағдарлама-фестивалі өтті, онда әскери колледждің әскери қызметшілерінің отбасы мүшелері айтып жеткізе алмайтын эмоциялар позитив теңізін сыйлаған тамаша акция-концерттің көрермені болды.
- Толығырақ
Президент жариялаған "Балалар жылы" аясында Сағадат Нұрмағамбетов атындағы әскери колледжінде салтанатты түрде дене шынықтыру және спорт бойынша тәрбиеленушілердің сабақтарын өткізу үшін спорт алаңы ашылды.
Іс-шараға Қазақстан Республикасы Қорғаныс министрлігі Әскери білім және ғылым департаментінің бастығы генерал-майор Ахметов Жұмабек Хаттиолаұлы қатыстып,
ұландарға оқуда және спортта жетістіктер тіледі.
Футбол алаңының ашылуына орай ҚР ҚМ Ақпарат және коммуникациялар департаменті, Әскери полицияның бас басқармасы, Әскери инфрақұрылым бас басқармасы, Ұлттық қорғаныс университеті және Әскери колледж командалары арасында шағын футболдан турнир өтті.
Турнир қорытындысы бойынша Қазақстан Республикасы Қорғаныс министрлігінің Ақпарат және коммуникациялар департаментінің командасы жеңімпаз атанды, екінші орынды Әскери полиция бас басқармасы, ал үшінші орынды Әскери инфрақұрылым бас басқармасының командасы иеленді.
- Толығырақ
Сіздерді 7-мамыр Отан қорғаушылар күнімен және Қазақстан Республикасы Қарулы Күштерінің құрылғана 30 жыл толуымен құттықтаймын. Қазақстан Республикасы Қорғаныс министрлігіне қарасты Әскери білім ордамыз талай жас жеткіншектерді әскери саланың алғашқы қыр-сырымен таныстырып, қанат қақтырды. Қазіргі таңда Әскери білім ордамыздан қанат қаққан осы жеткіншектердің алғашқы легі Тәуелсіз Қазақ елінің игілігі үшін қызмет атқарып жүр. Өзіміз қызмет атқарып жүрген, білім алып жатқан осы оқу ордасы Кеңес Одағының Батыры, еліміздің тұңғыш Қорғаныс министрі, елімізде алғашқы болып Халық Қаһарманы деген ең жоғарғы атаққа ие болған адам Сағадат Қожахметұлы Нұрмағамбетовтің өмірлік жолы барлығымызға үлгі-өнеге. Қазақстан Республикасы Қарулы Күштеріміздің 30 жылдық мерейтойында ел игілігі үшін жасап жатқан қызметтеріңізге елеулі жетістіктер мен табыс, отбастарыңызға амандық, елімізге тыныштық тілеймін. Отанға деген сүйіспеншіліктеріңіз жоғары, патриоттық рухтарыңыз биік болсын!
- Толығырақ
Армия генералы Сағадат Нұрмағамбетов атындағы әскери колледжінде салтанатты түрде әскери қызметшілерді кезекті әскери атақтарымен, медальдармен, сондай-ақ грамоталармен марапаттау өткізілді. Қазақстан Республикасы Қарулы Күштерінің 30 жылдығын мерекелеу қарсаңында Әскери колледж бастығы бірқатар ұландарды үлгілі оқуы мен әскери тәртібі үшін «вице-сержант» атағымен марапаттады.
Сондай-ақ, Отан қорғаушылар күніне және Ұлы Отан соғысындағы Жеңістің 77 жылдығына арналған акт залында мерекелік концерт өтті.
- Толығырақ
Қазақстан Республикасының Тұңғыш Президенті-Елбасы кітапханасында Отан қорғаушылар күнін және Жеңіс күнін мерекелеу қарсаңында Қазақстан Республикасы Қарулы Күштерінің құрылғанына 30 жыл толуына орай Ұлы Отан соғысының батырлары: Хиуаз Доспанова, Талғат Бигелдинов, Мәншүк Мәметованың 100 жылдығына арналған «Ұлы дала жауынгерлері»көрмесінің ашылуы өтті.
Экспозицияда Ұлы Дала батырлары институтынан бастау алған қазақ жауынгерлерінің жауынгерлік ерліктерінің көпғасырлық тарихын бейнелейтін тарихи, мәдени артефактілер ұсынылған.
- Толығырақ
Сонымен қатар Қазақстан Республикасы Қарулы Күштерінің ардагерлері запастағы генерал-майор Нагуманов Марат Сералыұлы мен запастағы полковник Данғұлов Қазкей Исқақұлы көрменің құрметті қонағы болды.
Аталған көрмеде Александр Бек кітаптарының тұсаукесері ұйымдасытырлды. Ардагерлер өз сөздерінде соғыс туралы кітаптар "Волоколамское шоссе", "Соғыс психологиясы", "Арпалыс" сол сияқты шығармалардың өскелең ұрпақты тәрбиелеудегі маңызды элементтер болып табылатынын және кітап оқудың маңыздылығы туралы айтты.
Іс-шара соңында ұландар өздері оқыған "Волоколамское шоссе" кітабы туралы пікірлерін айтты. Барлық ұландар үшін Кеңес Одағының батырлары, аты аңызға айналған қолбасшылар қайсарлық пен батылдықтың қайталанбас көрінісі. Олар Бауыржан Момышұлын әрбір істерін, нақыл сөздерін зор мақтанышпен еске ала отырып, әскери мансап құру жолында оны өздеріне үлгі ететіндерін жеткізді.
- Толығырақ
Жарысқа 120-дан астам әскери қызметші қатысты. Жеке жарыстарда әйелдер 50 метр, ер адамдар 100 метр қашықтыққа жүзіп жарысты. Сонымен қатар чемпионат бағдарламасына 4х50 метрлік аралас эстафета да кірді.
Жарыс қорытындысы бойынша Сағадат Нұрмағамбетов атындағы әскери колледжінің әскери қызметшілері майор Ворсин Алексей ерлер арасында 100 метр жүзуден 3-ші орынға, әйелдер арасында 50 метрге жүзуден 3-сыныпты сержант Асылбекова Альмира 3-ші орынды иеленді.
Біздің әскери қызметшілерімізді құттықтаймыз және алдағы жеңістер тілейміз!
- Толығырақ
2022 жылғы 23 сәуірде Сағадат Нұрмағамбетов атындағы әскери колледжінде Қазақстан Республикасы Қарулы Күштерінің 30 жылдығын мерекелеу аясында ағаш отырғызу бойынша іс - шара, сондай-ақ әскери қызметшілердің балаларының қатысуымен "Қарулы Күштері-еліміздің рухы" тақырыбында асфальтта сурет салу конкурсы өтті.
Іс-шараға 30-дан астам әскери қызметкерлердің отбасылары, сондай-ақ әскери колледжінің басшылығы қатысты.
"Қарулы Күштері - еліміздің рухы" акциясы әскери қызметшілердің отбасы мүшелеріне мақтаныш сезімін, отан қорғаушы мамандығына құрмет сезімін дамыту, сондай-ақ әскери қызметшілер отбасыларының бос уақытын ұйымдастыру және жағымды дәстүрлерді дәріптеу мақсатында өткізілді.
Әскери колледждің аллеясында әскери қызметшілердің отбасылары ағаш отырғызды, сол арқылы балаларға экологиялық мәдениетті және бізді қоршаған табиғатқа саналы қарым-қатынасты үйретті. Әрі қарай балалар асфальтқа "Соғыссыз әлем" тақырыбында суреттер салды. Балалар өз суреттерінде елдегі қауіпсіз бейбітшілік пен тұрақтылықтың негізгі құндылықтарын көрсетті.
Әскери қызметшілердің отбасы мүшелерімен қызметінің басшысы Айнұр Алайдарқызы іс-шараның барлық қатысушыларына бағалы сыйлықтар мен грамоталар табыс етті, ал іс-шара соңында тәтті тағамдармен үстел ұйымдастырылды.
