- Толығырақ
1 курс ұландары спорт, әскери пәндер, интеллектуалдық сұрақтар бойынша жарыстарға қатысты. Іс-шара соңында ұландар шығармашылық нөмірлерін көрсетті.
Бұл іс-шара ұйымшылдықты, еңбекқорлықты, адамгершілік және патриоттық тәрбиелі, сондай-ақ ұландар арасында бәсекелестік рухты қалыптастыру мақсатында өткізілді.
- Толығырақ
Әскери колледжінің оқу-әдістемелік жұмыс басқармасының бастығы полковник Хамит Байкенов Кеңес Одағының Батыры, Халық Қаһарманы, армия генералы Сағадат Нұрмағамбетовтың 100 жылдығына арналған конференцияға қатысты.
Конференция Қазақстан Республикасының Тұңғыш Президенті-Елбасы атындағы Ұлттық қорғаныс университетінде өтті. Оған Қарулы Күштердің еңбек сіңірген ардагерлері, әскери-ғылыми қызметкерлер, сондай-ақ әскери қызметшілер қатысты. Конференцияға қатысушылар бірінші Қорғаныс министрі, армия генералы Сағадат Нұрмағамбетовтың Қазақстан Республикасы Қарулы күштерінің қалыптасуы мен дамуына қосқан үлесін талқылады.
Әскери колледж ұландары конференцияға онлайн режимінде тыңдаушылар ретінде қатысты.
- Толығырақ
Колледждер арасында #волейболдан өткен турнир армия генералы Сағадат Нұрмағамбетовтың жүз жылдығына орайластырылды
Қорғаныс министрлігі мен Астана қаласы Білім басқармасының қолдауымен аталмыш жарысты Atamnyn Amanaty қоғамдық бірлестігі ұйымдастырды.
@modgovkz
#военныйколледж #волейбол #уланы #кадеты #колледжастана
- Толығырақ
Әскери колледж ұландары Райымбек батыр атындағы №50 мектеп-лицейінің Жас сарбаз сынып оқушыларының салтанатты ант қабылдауына қатысты.
- Толығырақ
Генерал Сағадат Нұрмағамбетов атындағы Әскери колледжде Республика күніне арналған мерекелік концерт өтті.
Каддетер мен ұландар қазақстандық патриотизм рухында музыкалық нөмірлермен өнер көрсетті.
Әскери колледж бастығы полковник Ғазиз Тулеушев жеке құрамды мерекемен құттықтап, қызметтік міндеттерін үлгілі орындағаны үшін жеке құрамы наградалармен және құрмет грамоталармен марапатталды.
- Толығырақ
3-ші оқу ротасының ұландары взводтар арасында әртүрлі ұлттардың салт-дәстурлерін көрсетіп, бақ сынасты.
Байқау барысында ұландар шет тілдерін, сондай-ақ би мен ән түріндегі шығармашылық нөмірлерін көрсетті.
Байқау қорытындысы бойынша қазылар алқасы іс-шараның жоғары деңгейде өткенін және ұландардың жауаптылығын, креативті тәсілдерін пайдаланғанын атап өтті. Испания елін ұсынған 3 оқу ротасының 6-шы взводы байқаудың жеңімпазы болды.
- Толығырақ
Қарулы күштерінде Қазақстан халқының Тілдері күніне арналған «Тіл – татулық тірегі» байқау өтті.
Конкурстың мақсаты – мемлекеттік тілді насихаттау және оның қолдану аясын кеңейту, әскери қызметшілерді қазақстандық патриотизм рухында тәрбиелеу, жеке құрам арасында әртүрлі ұлт өкілдерінің достығын нығайту, Қазақстан халқының салт-дәстүрлерін, өнерін, мәдениетін дәріптеу.
Әскери колледж командасы алғашқы рет осы байқауға қатысып, жоғары дайындық деңгейін көрсетті. Түрлі ұлттардың әскери қызметшілері қазақ тілін жетік меңгергенін көрсетіп, мемлекеттік тілде өнер көрсетті.
Армия генералы Сағадат Нұрмағамбетов атындағы әскери колледждің әскери қызметшілері мен азаматтық персоналы көрермендерге ұмытылмас эмоциялар қалдырып, әсерлі нөмірлермен өнер көрсетті.
- Толығырақ
Елордадағы әскери колледжде еліміздің бірінші Қорғаныс министрі, Кеңес Одағының Батыры, Халық Қаһарманы, армия генералы Сағадат Нұрмағамбетовтің ескерткішіне гүл шоқтарын қою рәсімі өтті.
Аталмыш шараға генералдар, офицерлер, сержанттар, кадеттер, ұландар, сондай-ақ ардагерлер мен басқа да қонақтар қатысты. Он жыл бұрын еліміздің ең ұлы әскери қайраткерлерінің бірі өмірден озды.
1945 жылы даңқы жер жарып, аты аңызға айналған генерал бюстінің жанына оның есімі берілген әскери колледждің бүкіл жеке құрамы сап түзеді. Батырды құрметтеуге келгендер ескерткішке гүл шоқтарын қойды.
Бір минут үнсіздік жарияланды. Осыдан кейін Қазақстан Республикасы Қорғаныс министрінің орынбасары генерал-лейтенант Сұлтан Камалетдинов сөз сөйледі. Ол Қазақстанның бірінші Қорғаныс министрінің жауынгерлік жолы аңызға толы екенін, қазақ халқының батыр ұлы мемлекетке және болашақ ұрпаққа қызмет етудің, ерлік пен жауынгер абыройының, ар-намыс пен адамгершіліктің үлгісі болғанын атап өтті.
– Сағадат Нұрмағамбетов Қарулы күштерді құруға, оны қалыптастыруға және дамытуға баға жетпес үлес қосты, әскерді жаңа жетістіктерге жеткізді, – деді Қорғаныс министрінің орынбасары. – Бүгін Сағадат Нұрмағамбетовтің өмір жолы, ерлігі мен табандылығы қазақстандық Отан қорғаушылар үшін ғибрат аларлық дүние. Батырдың есімі халық жадында мәңгі сақталады. Армия генералы Сағадат Нұрмағамбетов салған даңқты жауынгерлік дәстүр жалғасады деп сенемін.
- Толығырақ
Кеңес Одағының Батыры, Халық қаһарманы армия генералы Сағадат Нұрмағамбетов атындағы әскери колледжде «Саналы ұрпақ – жарқын болашақ» атты азаматтық және патриотизм сабағы өтті. Оны Қорғаныс министрінің орынбасары генерал-лейтенант Сұлтан Қамалетдинов жүргізді.
Ол колледж тәрбиеленушілеріне Отанға қызмет ету – ежелден әрбір қазақстандықтың құрметті міндеті болғанын, әрі абыройлы іс екенін айтты.
– Біздің ата-бабаларымыз Райымбек, Бөгенбай, Қабанбай, Наурызбай, сияқты ел қорғаған батырлардың ерлігімен тәрбиеленді. Олар көшпенді халықтың бостандық рухын оятып, жоңғар шапқыншылығы кезінде ұлы даланың азаттығы үшін күресіп, қан төкті, – деді министрдің орынбасары.
Колледж тәрбиеленушілерімен әңгімелесу барысында генерал-лейтенант Сұлтан Қамалетдинов Ұлы Отан соғысы жылдарындағы қазақстандық жауынгерлердің көрсеткен ерлігі жайында да сөз қозғады.
– Патриотизм – адам жанының тереңінде жатқан ішкі сезім. Ол сөзбен емес, іспен бағаланады. Өзін және елін құрметтейтін әр адам өз халқына, әнұранына, туы мен тіліне ерекше сезіммен қарауы керек деп санаймын, – деп атап өтті генерал-лейтенант Сұлтан Қамалетдинов.
Кездесу соңында әскери колледждің құрметті қонағы жастарға оқуда табыс тілеп, ата-бабаларының даңқты әскери дәстүрлерін жалғастыратынына және Қарулы күштер сержанттық корпусының қатарын толықтыра отырып, Қазақстанның әскери қауіпсіздігін қамтамасыз етуге елеулі үлес қосатынына сенім білдірді.
- Толығырақ
Конституция күні қарсаңында Кеңес Одағының Батыры, Халық қаһарманы, армия генералы Сағадат Нұрмағамбетов атындағы әскери колледжде алғаш рет ант беру рәсімі өтті.
Салтанатты шараға Тәрбие және идеологиялық жұмыс департаментінің бастығы әділет полковнигі Тілеухан Басқожаев, Қарулы күштердің ардагерлері, Халық қаһарманы отставкадағы генерал-лейтенант Бақытжан Ертаев, отставкадағы генерал-майор Марат Нағұманов, әскери колледждің оқытушылары, еліміздің әртүрлі аймақтарынан келген ұландардың туыстары мен жақындары қатысты.
Қалыптасқан дәстүр бойынша армия генералы Сағадат Нұрмағамбетовтің ескерткішіне гүл шоқтары қойылды.
Әскери колледж тәрбиеленушілерін Тәрбие және идеологиялық жұмыс департаментінің бастығы әділет полковнигі Тілеухан Басқожаев құттықтады.
Ол өз сөзінде курсанттардың туыстарына:
– Балаларыңыздың бойына кішкентай күнінен патриотизмді сіңіріп, болашақ Отан қорғаушыларды тәрбиелегендеріңіз үшін сіздерге ризамыз. Сіздер ұлдарыңыз, бауырларыңыз Қарулы күштер қатарында елге қызмет ететінін және оның тұтастығын қорғайтынын мақтан тұтуларыңыз керек, – деді.
Әскери ант беру рәсімі аяқталған соң оқу орнының басшылығы экскурсия ұйымдастырды. Онда қонақтар колледж мұражайында болып, казарма, оқу аудиториясы және асханамен танысты.
